Bashkë me aktivistet feministe të Deçanit, u zhvillua aksion simbolik me grafite në muret e qytetit të Deçanit me parulla që dënojnë patriarkatin dhe shtypjen e grave.
Përmes shkrimeve në mur, aktivistet/ët nxorrën në hapësira publike disa të vërteta të grave të cilat përjetohen e riprodhohen në heshtje. Dhuna ndaj grave, ndalimi i shkollës nga baballarë, vllezër e axhallarë, mbyllja e grave brenda mureve të shtëpisë u shkruan me ngjyrë të kuqe, si alarm për shoqërinë e institucionet dhe shenjë që revolta dhe rezistenca e grave po zihet shtëpive e rrugëve të qytetit.
Dhuna sistemike ndaj grave do të kundërshtohet nga të gjitha/ë ne, në solidaritet deri në çlirimin e grave!
Shpërndaje
