Abuzimet seksuale që janë duke iu bërë vajzave nëpër shkolla, janë veç simptoma të një sistemi të kalbur i cili ushqehet me trupat e vajzave e grave. Rasti i fundit i bërë publik ku Adem Mustafaj, mësimdhënës, ka abuzuar seksualisht një nxënëse 13 vjeçare e ka ngacmuar e sulmuar edhe nxënëse tjera, nuk është rast i izoluar. Vajzat e gratë janë duke u ngacmuar e sulmuar seksualisht në çdo hapësirë nga burra -mësimdhënës, punëdhënës, familjarë, shokë a kalimtarë rrugës. Prapë, shteti e shoqëria vazhdojnë t’i amnistojnë burrat, duke ua shtuar kështu edhe më tej tmerrin vajzave dhe grave.
Të indinjuara e alarmuara nga dhuna e vazhdueshme të cilën e përjetojnë vajzat dhe gratë, ne theksojmë se abuzimet ndaj grave janë çështje sistemike. E lufta ndaj tyre duhet të jetë jetë urgjente dhe në mënyrë të organizuar. Çdo vajzë e grua duhet ta dijë që nuk është vetë. Ne do të vetëmbrohemi, solidarizohemi me njëra-tjetrën e organizohemi çdo ditë për sigurinë e lirinë e secilës. Asnjëra nga ne nuk është e lirë, deri sa secila të jetë e lirë.
Shpërndaje
