Të hënën e kaluar nisëm serinë e bisedave feministe në bashkëpunim me fondacionin Shtatëmbëdhjetë.
E ftuara e parë në kuadër të kësaj serie të bisedave ishte aktivistja dhe artistja egjiptase Mirjeta Qehaja.
Në kuadër të muajit të të drejtave të njeriut, folëm për shtypjen e shumëfishtë të grave të komuniteteve rom, ashkali dhe egjiptas që krahas të të qenurit gra, shtypen për shkak të racizmit që i lë ato në pozitë të pafavorshme socio-ekonomike. Mirjeta ndau detaje për punën e saj, përvojën dhe këndvështrimin që ka karshi çështjeve të grave dhe luftës përmes artit dhe aktivizmit kundër shtypjes. Tema e këtij aktiviteti ishte Ndërthurja dhe qëllimi ishte që të flitet për shtypjen e shumfishtë të grave të komuniteteve rom, ashkali dhe egjiptas, që krahas të të qenurit gra, shtypen për shkak të racizmit që i lë ato në pozitë të pafavorshme socio-ekonomike.
