Kolektivi për Mendim dhe Veprim Feminist në bashkëpunim me GAIA – Kosovë me 16 dhjetor 2019 mbajti diskutim për ekofeminizmin në Muzeun e Mitrovicës.
“Nuk ka të bëjë veç me numrin e pemëve që i kemi humbë por pse i kemi humbë ato, si i kemi humbë ato dhe kush e mbanë përgjegjësinë për këtë?
Tuj mendu për krizën ambientaliste? Tuj mendu pse po ndodhë dhe kush po e shkakton atë? Çka nëse të themi që feminzmi mundet me ta ofru një përgjigjje? Quhet ekofeminizëm. Dekonstruktimi i natyrës dhe padrejtësia sociale e kanë një shkaktar të përbashkët – mendimin hierarkik.
Ne kemi tendencë t`i zbërthejmë diferencat në një hierarki vlerash – t`i vendosim ca kategori “lart” dhe të mendojmë për to si superior dhe ca kategori tjera “poshtë” e t`i shohim si inferiore virtytet e tyre apo diferencat e tjera që i zotnojnë. E kështu kthehemi te ideja që një kategori duhet të dominojë një tjetër: qeniet njerëzore që e dominojnë e e eksploatojnë botën jo-njerëzore, burrat që dominojnë gratë – ja kjo është ajo pjesë e problemit që çon tek të dyja, tek padrejtësia sociale dhe dekonstruktimi i natyrës. Andaj, në mënyrë që ta adresojmë shkatërrimin ambientalist, neve na duhet të sfidojmë mënyrën hierarkike të të menduarit.
Rrymat e ndryshme të ekofeminizmit dhe filozofisë e lëvizjet e ndryshme ambientaliste që e trajtojnë lidhjen mes njerëzve dhe botës jo-njerëzore dhe që shpjegojnë rëndësinë e ekuilibrit dhe harmonisë ekologjike, ishin vetëm disa nga çështjet e diskutuara nga e ftuara Mirishahe Syla, njohëse e ekofeminizmit.
