Mbrëmë bashkë me Linda Gusinë, sociologe dhe Shukrije Gashin, aktiviste e lëvizjes “Ilegalja” reflektuam mbi angazhimin politik të grave në Kosovë përmes lensit historik.
Folëset sollën në vëmendje organizimin politik të grave gjatë viteve të nëntëdhjeta, strategjitë, ndërthurjen e kauzave gjinore e klasore me atë të çlirimit kombëtar. Përmes përvojës dhe reflektimeve të tyre, panelistët shpalosën format e ndryshme të rezistencave, solidariteteve dhe mobilizimit që gratë artikulonin, varësisht nga konteksti lokal dhe nevoja për organizim sa më të gjerë. Duke marrë për bazë celulat e para më të dukshme të organizimeve të grave, ato theksuan gjithashtu edhe nevojën për njohjen dhe analizimin gjenealogjik të lëvizjeve, me qëllim të sigurimit të vazhdimësisë së lëvizjes dhe rezistencës feministe
