Të martën, duke filluar nga ora 18:00, Kolektivi për Mendim dhe Veprim Feminist organizon diskutim mbi lëvizjet shoqërore në Kosovë, mundësitë, sfidat dhe pikëprerjet mes lëvizjeve të ndryshme që angazhohen për barazi dhe drejtësi shoqërore. Përmes përvojës të folësve/esve do të reflektojë mbi lëvizjet të shquara aktualisht, problemet të cilat janë duke u identifikuar dhe format e organizimit politik.
Përtej identifikimit dhe lokalizimit të lëvizjeve, diskutimi synon të vë në pah rëndësinë e angazhimit ndër-sektorial dhe avancimin e bashkëpunimit ndërmjet formacioneve të ndryshme politike që angazhohen aktivisht brenda publikes. Për ta bërë këtë, diskutimi do të marrë referenca nga lëvizja feministe, ambientaliste, anti-raciste, LGBTI+ dhe aktivizmit studentor dhe do të artikulojë domosdoshmërinë e ndërthurjes së kauzave me qëllim të organizimit çdo herë e më gjithëpërfshirës.
Diskutimi do të zhvillohet mes folëseve/ëve:
• Flutra Zymit, aktiviste për mbrojtjen e mjedisit;
• Gazmend Qyqallës, aktivist në iniciativën“Drejtësi për Kujtimin”;
• Dibran Hoxhës, aktivist; dhe
• Dan Sokoli, aktivist
• Flutra Zymit, aktiviste për mbrojtjen e mjedisit;
• Gazmend Qyqallës, aktivist në iniciativën“Drejtësi për Kujtimin”;
• Dibran Hoxhës, aktivist; dhe
• Dan Sokoli, aktivist
Ngjarja do të zë vend në hapësirat e Termokiss
Shpërndaje
