Mbrëmë, në hapësirat e Fakultetit Filozofik, diskutuam mbi rezistencat feministe në Kosovë, dinamikat dhe pozicionet e ndryshme që zhvillohen në kontekste e terrene të caktuara ideologike.
Diskutimi u hap dhe u mbyll nën dritën e udhëzimeve të bell hooks, feministes dhe autores e cila ndërroi jetë dy ditë më parë e që na rikujton se vetëm përmes dashurisë, e cila është fundamentalisht politike, mund të arrijmë transformime rrënjësore. Mbi mësimet e marra nga teoritë feministe dhe përvojat personale e kolektive, bashkë me Mirishahe Sylën, Lura Limanin dhe Rina Kikën dhe të pranishmet/it reflektuam shumësinë e rrymave feministe në Kosovë, dilemat, negocimet e vazhdueshme brenda tyre dhe strategjitë që përdoren brenda tyre. Nën insistimin e vazhdueshëm për transformim rrënjësor, përgjatë diskutimit theksuam edhe nevojën e vazhdueshme për afirmimin dhe artikulim të vazhdueshëm të lëvizjes feministe në terma lokal dhe gjithëpërfshirës e që i japin kuptim akteve dhe mjeteve politike të përdorura brenda lëvizjes(eve).
Shpërndaje
