Kolektivi për Mendim dhe Veprim Feminist organizoi panel diskutimi mbi urgjencën e organizimit të klasës punëtore për të shënuar 1 majin – Ditën e klasës punëtore.
Pandemia që ka përfshirë globin ka shpërfaqur atë që veçse e dinim: Punëtorja e punëtori janë mbajtëset/it e ekonomisë dhe jetës. Është puna e paguar e ajo e papaguar që e mbanë shoqërinë, prodhon të mirat materiale e forcën punëtore, të cilat padrejtësisht vjelen nga pronarët, me ndërmjetësim nga shteti patriarkalo-kapitalist. Sot punëtore e punëtorë janë të shtypur dhe të shfrytëzuar për rritje ekonomike.
Duke qenë dëshmitare/ë të kësaj shtypje, Kolektivi zhvilloi diskutim për të reflektuar mbi çështjen punëtore në Kosovë dhe mundësitë për ndryshim pikërisht përmes klasës punëtore. Përmes shtrimit të kritikës së majtë, feministe dhe përvojës së organizimit sindikal në Kosovë, diskutimi vuri në pah nevojën urgjente për organizim mbarëklasor si rruga e vetme premtuese për ndryshimin e gjendjes punëtore.
Folës/e në këtë diskutim ishin:
– Rashit Gashi, sindikalist
– Visar Ymeri, Instituti për Politika Sociale “Musine Kokalari”
– Liridona Sijarina, aktiviste feministe
Më poshtë mund ta ndiqni diskutimin e plotë:
