Në leximin e radhës, grupi i leximit diskutoi mbi veprën: Dialektika e seksit të Shulamith Firestone.
E njohur për teorinë e saj radikale, Firestone mbetet një ndër figurat kyçe të valës së dytë të feminizmit dhe një nga përfaqësueset më me ndikim të feminizmit radikal të gjysmës së dytë të shekullit XX.
Duke u mbështetur në idetë e materializmit dialektik, Firestone përgjatë veprës së saj e ndërton një qasje feministe radikale, e cila shkon përtej kritikës së patriarkalizmit si krijesë shoqërore, duke e konsideruar atë si pasojë e dominimit biologjik mashkullor. Përgjatë vëllimit të Dialektikës së seksit, ajo thekson se është pikërisht determinizmi biologjik, puna riprodhuese dhe rrjedhimisht familja dhe shoqëria, çka i shtypë gratë. Andaj, gratë duhet të heqin nga roli i tyre riprodhues në mënyrë që të çlirohen nga kjo barrë e cila i mbanë në një pozitë dytësore në shoqëri, gjë që kërkon ndryshim shoqëror rrënjësor.
Përmes dialektikës së seksit, Firestone kërkon ndryshim fundamental të sistemit dhe shkatërrimit të rolit të dallimeve biologjike/seksuale, e që në projeksionet e saj mundësohet nga zhvillimi i teknologjisë, braktisja e rolit riprodhues të grave dhe e familjes bërthamë që në çdo rrethanë, janë shtypëse për gratë.
Diskutimi u zhvillua në amfiteatrin e vogël të Bibliotekës Kombëtare të Kosovës.
Librin në gjuhën angleze e gjeni të bashkangjitur në vegzën e mëposhtme:
