Në takimin e rradhës, grupi i Leximeve Feministe diskutoi mbi feminizmin liberal përmes leximit të Pjesëve të zgjedhura të shkrimeve të Harriet Taylor Mill, filozofe dhe feministe e shekullit XIX.
Harriet, pionere e feminizmit modern liberal të shekullit XIX, në korpusin e saj filozofik ka trajtuar gjendjen e grave dhe pabarazinë gjinore duke marrë në konsideratë aspektet ligjore, reformat socio-politike dhe edukimin si mjete liberale të emancipimit dhe barazisë gjinore. Me angazhimin e saj intelektual për fitimin e të drejtave politike për gratë, Harriet renditet si një ndër avokueset kryesore në luftën e grave për votë.
Nga tekstet e Harriet mbi gjendjen e grave për diskutim do të jenë esetë mbi martesën, të drejtat e grave dhe barazinë, të drejtën e votës për gratë, reformat politike dhe shoqërore si dhe edukimin që shpërfaqin alternativat liberale për zhdukjen e nënshtrimit ligjor dhe moral të grave të cilin Harriet e quan si reliktin e fundit të mbetur të gjendjes së shoqërisë primitive.
Tekstin mund ta gjeni në vegëzën e mëposhtme:
