Me 14 korrik 2019, grupi i Leximeve Feministe diskutoi feminizmin marksist përmes leximit të shkrimeve të zgjedhura të Aleksandra Kollontai, revolucionare marksiste dhe feministe e shekullit XX.
Kollontai ishte aktiviste politike me rol qenësor para, gjatë dhe pas Revolucionit të Tetorit. Ajo pati rol kyç në organizimin e grave të klasës punëtore dhe fshatare. Ishte e vetmja grua pjesë e Komitetit Qendror Bolshevik dhe më pas Komisare për Mirëqenie Sociale, në qeverinë e parë Sovjetike.
Kollontai në shkrimet e saj avokon për liri seksuale, duke problematizuar martesën dhe familjen tradicionale dhe konsideruar ato si trashëgimi të një të kaluare shtypëse. Idetë e saj kyçe lidhen me idetë marksiste për liri e drejtësi shoqërore. Ishte kritikuese e ashpër e ideologjisë së feminizmit liberal, që sipas saj nuk adreson interesat dhe nevojat e grave të klasës punëtore. Sipas saj emancipimi dhe liria e grave do të arrihet vetëm në një shoqëri komuniste në të cilën do të zhduket klasa, ndryshohen marrëdhëniet e prodhimit dhe riprodhimit që në sistemet kapitaliste janë shtypëse për gratë.
Shkrimet që do u diskutuan janë përmbledhja e libërthave: The Social Basis of the Woman Question (1909), Women Workers Struggle For Their Rights (1919), The Autobiography of a Sexually Emancipated Communist Woman (1926) dhe artikullin: Communism and the Family (përkthyer në gjuhën shqipe).
