Mbrëmë, në kuadër të grupit të leximit, diskutuam esenë “Në sytë e perëndimit: Mendimi feminist dhe diskurset koloniale” nga Chanda Talpade Mohanty.
Diskutimi nxori në pah disa nga pikat qëndrore të kritikës së Mohantit drejtuar teorizimit dominant perëndimor mbi “gratë e botës së tretë”. Tendencat kolonialiste në diskursin feminist perëndimor, thjeshtëzimi dhe njëjtësimi i përvojave të grave “të botës së tretë” u përmendën si disa nga pikat që e krijojnë “tjetrën” në diskursin feminist, diskurs ky që duhet sfiduar dhe refuzuar. Tutje, diskutimi tërhoqi paralele në zhvillimet e fundit të protestave në Iran dhe rezistencave përtej perëndimit, të cilat dhe më tej e sfidojnë supozimin e përgjithshëm perëndimor mbi gratë e “botës së tretë” si të nënshtruara, pa agjensi dhe viktima përfundimtare të patriarkatit.
Mendimi i Mohanty-t mbetet pikë reference e vyer për mobilizimin e feminizmave lokalë që ndërtohen mbi përvojat, artikulimet dhe rezistencat e grave, në kundërshtim të çdo forme të dhunës, edhe atëherë kur ajo vjen nën petkun e ligjërimeve “emancipuese” nga rryma kolonialiste.
Esenë e përkthyer në gjuhën shqipe mund ta shfletoni këtu: https://www.kolektivifeminist.org/…/Ne-syte-e…
Shpërndaje
