Përtej periferisë së lëkurës: Rimendimi, ribërja dhe rimarrja e trupit në kapitalizmin bashkëkohor nga Silvia Federiçi është libri i rradhës të cilin do ta lexojmë në kuadër të leximeve të rregullta feministe.
Ky libër, sikundër pjesa më e madhe e punës së Federiçit qendërzon trupin, si banesë përmes së cilit mund të zhbirojmë sistemet sunduese dhe mjetet e disiplinimit, sidomos në kapitalizëm i cili e ka kthyer trupin e njeriut në fuqi punëtore, të tëhuajsuar nga vetja, të tjerat/ët, jeta e natyra, të dobët e të nënshtrueshëm. Përmes ftesës që ta analizojmë formimin e trupit si terren politik ku kanë zënë fill e janë zhvilluar sisteme, të legjitimuara përmes instrumenteve të shtrëngimeve materiale dhe “shkencore”, Silvia na shpalosë alternativa të rimendimit të trupit në kapitalizmin bashkëkohor.
Kapitujt e përzgjedhur për lexim paraqesin traktate bashkëkohorë mbi trupin si subjekt politik mbi të cilin shtrohen sistemet e edhe si burim e mjet konfrontimi e rezistence. Siç argumenton ajo përgjatë eseve, çdo politikë radikale sot duhet të niset nga një analizë e thuktë mbi trupin, jo vetëm në njohjen e shtypjeve të akumuluara por edhe si pikënisje e çdo organizimi me potencial transformues. Duke marrë për referencë rezistencat që trupat janë duke i bërë regjimeve shtypëse, Federiçi na thërret në rimarrje të trupave tanë dhe posedim të tyre në shërbim të jetës e jo ekonomisë kapitaliste e cila është veç se duke lënguar.
Kapitujt e përzgjedhur, të përkthyer në gjuhën shqipe mund t’i shfletoni këtu: https://www.kolektivifeminist.org/…/Perkthim_Pertej…
Diskutimi i leximit mbahet në oborrin e Fakultetit Filozofik, me datë 23 qershor, duke filluar nga ora 18:00
Shpërndaje
