Kujtojmë Audre Lorde, shkrimtare dhe aktiviste feministe e cila i ka kontribuar në artikulim përmbajtësor të ndërthurjes së shtypjeve brenda lëvizjes feministe dhe anti-raciste në ShBA dhe më gjerë. Duke u vetidentifikuar si grua e zezë, lezbike, nënë, luftëtare dhe poete, përmes shkrimeve dhe poezive, Lorde ka ofruar ide radikale dhe të guximshme mbi identitetin dhe seksualitetin, duke ofruar kështu edhe mjete për kundështim të sistemeve shtypëse.
Përmes shkrimit “Nuk ka hierarki të shtypjeve”, të publikuar në vitin 1983, Lorde shpjegon ndërlidhshmërinë e shtypjeve duke rënë në përfundimin se burimi i këtyre shtypjeve është i njëjtë. Duke e njohur këtë, ajo thërret për angazhim për luftimin e çdo shtypjeje në baza identitare me qëllim të çlirimit.
