Në takimin e rradhës të Leximeve Feministe u diskutua libri ‘Capitalist Patriarchy and the Case for Socialist Feminism’, një koleksion i eseve dhe artikujve, përmes të cilave argumentohet për nevojën e përfshirjes së analizës klasore në analizat feministe rreth shtypjes gjinore.
Përmbledhur nga Zillah R. Eisenstein, libri e dekonstrukton ‘kapitalizmin patriarkal’ të cilin e definon si sistem i cili ndërthurë patriarkatin dhe kapitalizmin si forca të cilat prodhojnë dhe mirëmbajnë shtypjen gjinore. Idetë kryesore të paraqitura përgjatë librit e shohin patriarkatin si të pandashëm nga kapitalizmi dhe qartazi e vënë në pah lidhjen dialektike të këtyre dyjave. Duke analizuar ndarjen e punëve në baza gjinore, rolin riprodhues të grave në sistemin kapitalist, dominimin mashkullor, patriarkalitetin para dhe pas kapitalizmit, Eisenstein jep pëgjigje rreth raportit të feminizmit (radikal) me të majtën duke insistuar se feminizmi radikal duhet të përfshijë gjithsesi një kritikë të klasës nëse synon çrrënjosjen e patriarkatit.
Librin në gjuhën angleze e gjeni të bashkangjitur në vegzën e mëposhtme:
Shpërndaje
