Në kujtim të Simone de Beauvoir.
Simone de Beauvoir mbetet njëra nga figurat kyçe të mendimit feminist e cila përmes studimit madhor “Seksi i dytë” vendosi themelet e feminizmit modern, për të vazhduar me ide emancipuese dhe angazhim politik që kërkonin çlirimin e grave si kusht kyç për emancipim shoqëror dhe krijimin e një shoqërie më të barabartë dhe të lirë.
Në një nga paraqitjet e rralla televizive më 1975, Simone de Beauvoir duke iu përgjigjur pyetjes se “Pse jam feministe?” flet për lëvizjen feministe, gjendjen e grave dhe rrethanat historike dhe socio-ekonomike të cilat e prodhojnë atë çka është qëndrore në filozofinë e saj feministe e formuluar si “grua nuk lindë, e tillë bëhesh” si dhe diskuton mbi atë se si mund të arrihet çlirimi i grave dhe avancimi i barazisë shoqërore, politike dhe ekonomike mes gjinive.
