Me 11 shtator 2019, Kolektivi për Mendim dhe Veprim Feminist shfaqi filmin Thriller rreth të cilit u diskutua nën moderimin e Lirika Demirit.
Kush e vret Mimin, rrobaqepësen, në operën ‘La bohème’ të Puccini-t? Pse, prej të gjithë personazheve të tjerë – poetit, piktorit, këngëtares, pronarit, muzikantit, e filozofit – është Mimi, ajo e cila vdes? Pse, fati i një fundi tragjik në një narrativë dashurie, duhet t’i takoj pikërisht këtij personazhi?
Duke u nisur nga këto pyetje, në ‘Thriller’, regjisorja angleze Sally Potter, vendosë ta nxjerrë Mimin nga roli i paraparë i viktimës romantike, duke e bërë atë hetuese kritike të shkaqeve të vdekjes së saj. Ky intervenim dekonstruktues në narrativën e operas, e bënë filmin të jetë një nga punët e para në fushën e teorisë së filmit feminist. Përmes shpërfaqjes, analizimit, e rishkrimit të raporteve në mes personazheve fiktivë, filmi e sjellë verzionin feminist të ngjarjes duke shërbyer kështu si një kritikë vizuele e realitetit ekzistues gjinor e klasor.
